PostHeaderIcon Ma Prouvenco

 

Eimi dins lei campas m’alouga dins la bauco

Ana culi d’amelo sus un vièi amelié

Vèire de pèis de roco roussi sus uno fauco

Coume de fourfouia dintre lei mié-soulié

 

Agràdi l’auceloun que pounchejo dóu niéu

Suceja lou fru rous toumba de la sourbiero

Tira l’espargo fèro de la ram’ à couniéu

Coumo l’ome que cerco lei flour d’uno figuiero ?

 

Qu’es bouan de proumena à l’estré dei draiolo

Ounte l’éuse verdet gangasso sies aglan

E à l’oumbro d’estiéu la vido es galoio

Luen de nouastre coustiero e de quauquei tavan .

. .

Devèni pensatiéu à la sousto d’un rouve

Aluencha dei camin e de touti lei vouas

Alor dins mei pensado mi viéu encaro jouve

Aqui dins lou silènci que s’ausi dins lei bouas

 

 
Qui est en ligne ?
Nous avons 11 invités en ligne
S'inscrire